என் நேரம் வந்தது; மகிழ்ச்சியுடன்
என்னையே நான் வரவேற்றேன்.
என் இல்லத்தின் கதவினும்,
என் கண்ணாடியிலும்,
ஒன்று மற்றொன்றை
வரவேற்கும் பாவனையுடன்.
மறந்திருந்தேன் என்னையே
மற்றவருக்காக.
மறைத்திருந்தேன்,
மனக் கிளர்ச்சிகளை .
என் இதயத்தை திருப்பி கொடுத்தேன்
அதன் சொந்தமானவனுக்கு.
என்னை எப்போதும் நேசித்து -பின்
எங்கோ, எப்போதோ தொலைத்தவனுக்கு.
புத்தக அலமாரியிலிருந்து எடுத்துவைத்தேன்,
புகைப்படங்கள், துடிக்கின்ற நினைவுகள்- என்
உருவத்தை கண்ணாடியில் இருந்து.
உரித்தெடுத்து உட்கார்ந்தேன்.
வாஞ்சையுடன் சோறூட்டி
வரவேற்றேன் என்னையே நான்.
மீண்டும் நேசித்தேன் ,
என்னுள் புதிதாக வந்த
என்னையே .
என் நேரம் வந்தது; மகிழ்ச்சியுடன்
என்னையே நான் வரவேற்றேன்.
No comments:
Post a Comment