வந்தே வீரா!!!

மழை பெய்ய, மண் நெகிழ,

மக்கள் கண்ணீர் மல்கினால் –

வருவர் வேகமாய் – வீரரவர்!

மழலை (கிணற்றில்) விழ, நாடு நெளிய,

மண் நடுங்கயிலே வருவர் - தேவரவர்!

நிழல் போலே நாடு காப்போர்,

நிஜம் போலே நின்றிடுவோர் –

நித்தம் உயிரைபி பணயம் வைக்க

சித்தம் கொண்டு சென்றிடுவோர்.

போர் வந்தால், போர் புரிவர்,

"போது" என்றால், பாய்ந்து செல்வர்,

படைக்கு ஆவியை அப்பணித்தோர்க்கு  –

புகழாரம் கூட கூடாதோ ?

ரிப்பன் வெட்ட – நடிகர் வருவர், (அ) 

ரங்கம் ஏற – அரசர் வருவர்,

ரத்தம் சிந்தும் வீரனுக்கோ - இங்கு 

ராகம் பாட ஆளில்லை!

இனியும்  விழா என்றால் –

வீரனையே அழைக்க வேண்டும்!

இனியும் வாழ்த்து என்றால் – அவன் 

நெஞ்சையே  நிறைக்க வேண்டும்!

போர் மேடை கண்டவனுக்கே இனி 

ஊர் மேடை யை உய்விப்போம்! 

புகழ் மேடை உச்சியிலே - அவனை

தூக்கிவிட்டு அழகு பார்ப்போம் !