எல்லாம் இராமன் மயம்

எல்லாம் இராமன் மயம் - இவ் 

உலகே உத்தமன் மயம்.

என்னுள் உறைபவன் எங்கும் பரவி

அண்டத்தையம்  ஆட்டி வைத்திட , 

எல்லாம் இராமன் மயம்.

ஆதவனும் ஆதிரையும் 

வையகமும் வான் வெளியும் 

பால் நிலவும் பாதாள உலகமும்  

நாரணன் மகன் நான்முக னுட்பட,  

 எல்லாம் இராமன் மயம்.

அரணும் அதனின் ஆறு பலவும்

குறிஞ்சியும் பின் குறு நெய்தலும்  

விலங்கினமும் வித்திட்ட கடமையும் 

நான் மறையும் நாலா யிரமும் 

எல்லாம் இராமன் மயம்.

திக்கெட்டும் தீராக் காலமும்

பரமனின் பாம்புப் படுக்கையும் 

அறவே விடத்தகு ஆறு குணமும் 

வசுக்கள் எட்டு வசம்பட நானும் 

எல்லாம் இராமன் மயம்.

தீரன் இராமதாசன் முன்வைத்த அவா 

தீர்ந்தன எல்லாமும், தீர்த்தக் கரையினிலே.   

 தாரக மந்திரம் தன்னுள் தக்கிட  

பிறவிப் பிணியோ பிறகும் வரா.

எல்லாம் இராமன் மயம்.

எல்லாம் இராமன் மயம்.

உத்தமன் - another name for Rama

ஆதிரையும் - tiruvathiraiyum ( denotes all Stars here, as well as Shiva)

 நாரணன் - Narayanan

நான்முகன் - Lord Brahma

அரண்  - Forest

குறிஞ்சி - Hills 

குறு நெய்தலும் - relatively small sandy beach

வித்திட்ட கடமை - ordained duty;

நான் மறை - Vedas

நாலா யிரமும் - 4000 Divya Prabhandams

திக்கெட்டும் - 8 dorections

தீராக் காலமும் - endless time

பரமனின் பாம்புப் படுக்கை - Adi Seshan

ஆறு குணம் - Kama, Krodha, lobha, moha, matha mathsalya

வசுக்கள் எட்டு வசம்பட நானும் - I am governed by the 8 vasus