எண்ணாத எண்ணம் எங்கோ எழுந்தாலும்
என்னுள் நீயே வந்து நிறைந்தாலும்
என்னை மறந்து உன்னை நினைத்தாலும்
எட்டாத உலகம் என்னை அழைத்தாலும்
ஒளிமிகு நாளை ஒருமுறை மீட்டாலும்
ஓவிய வானின் நிறங்களைத் தீட்டாலும்
பொன்னொளி பூத்த பொழுதுகள் காட்டினாலும்
போனதன் நிழல்கள் பின்னே தொடர்ந்தாலும்
படித்தும் புரியாப் பக்கங்கள் எத்தனை
பார்த்தும் தெரியாத ரகசியம் எத்தனை
நடந்தும் அறியாத பாதைகள் எத்தனை
நானாக நினைத்த நானும் எத்தனை
சொல்லாத சொல்லும், தெரியாத மொழியும்
சொல்லில் சிக்காத சொல்லாத விழியும்
காணாமல் போன கனவின் ஒளியும்
காலம் கடந்து போகும் நதியும்
மறந்த நினைவும், மறைந்த நொடிகளும்
மௌனமாய் என்னைக் கடந்த தடங்களும்
என்னை அறியாது என்னுள் கடந்ததும்—
எல்லாமே நீயும்… எல்லாமே நானும்.
No comments:
Post a Comment