அருள்மாரி பொழியும் அம்பிகை நீ - மாயை
அகற்றிடும் அன்னையே அழகின் வடிவே!
திருநேத்ரம் மின்னிட தேஜோமயமாய் - வந்து
திரிபுரை நீ காக்க திகழ்கின்றாய் தாயே!
சூரபத்மன் வீழ்த்திய சக்தி வடிவே - எங்கும்
சூழ்ந்து காக்கும் சிம்ம வாகினியே!
வீராங்கனை நின்னடி வணங்குகின்றோம் - எல்லா
வரங்களும் அருள்வாய் வல்லமை மிக்கோய்!
காலாதி காலமும் காக்கும் காளி - எங்கள்
கண்ணாய் நீ விளங்கும் கருணைக் கடலே!
மூலாதார யோகப் பொருளே தாயே - எங்கள்
முழுமையான பாவம் முற்றும் அழிப்பாய்!
ஞாயிறு போல் ஒளிரும் நற்றாய் முகமே - எங்கள்
நன்மைக்காய் வளர்க்கும் நாயகி நீயே!
மஹிஷனை வென்ற மாபெரும் சக்தி - எங்கள்
மனமெல்லாம் காக்க மகிழ்ந்து வருவாய்!
====
No comments:
Post a Comment